قصيده عن العراق الجريح انا كاتبه ابي ردودكم عليها

انا شاب عراقي اعيش في الكويت حبيت اكتب هذي القصيده عن وطني العراق رغم اني ولا مره زرت العراق وذلك لظروفي الخاصه


يا موطني



عمت عينك يا زمان شلون ترضى بهاي ...

العراق وينغزي وتغتصب ارضه

من بعد ذيج الجلاده ورفعت الراس

يندار الزمان وينكسر قدره

عمت عينك يا زمان شلون ترضى يهاي

مهد الحضارات وياهو الي ينكره

رمز العرب واصل العرب منه وبيه

ويكتب التاريخ بأول السطره

عراق العراقه ومرسى المرسلين

والي يذكر التاريخ لابد يذكره

انت تاريخك ذهب وكل الزينات بيك

وياهو يلحقه وياهو الي يقدره

سلامي الك يا موطني يا ابو النهرين

سلامي الك يا ابو الغيره النخوه

سلامي الك من كركوك لحد الفاوي

سلامي الك من بغداد للبصره

يوم جار الزمان عليك وطرك البين

والشامت شمت بيك بنصره

طحت واقف ولا صحت أحاه

عابنك اسد ويقوي عل جرحه

خونت بيه العروبه واجلاب الأمريكان

وكلها اليوم لجرحه متنكره

العراق وجريح ومكسور الجناح

والعالم يتباوع بنظره

غريق الدم مصوب رماح

وهم ولا بيهم مروه

ما اظن عدهم عروبه ولا دين

ولا فزعه البيهم ولا نخوه

وهو ظلال العرب يوم الزمن جار

وهم ولا بيهم مروه

عمت عينك يا زمان شلون ترضى بهاي ...

العراق وينغزي وتغتصب ارضه

انت الفارس الي ما يهاب الموت

وما تنطفي ناره وجمره

انت جبل وعليك جبال ترتاج

جبل بهيبته وقدره

ولك انت الدول كلها منك اتخاف

والي يجيسك ينكسر نحره

يا هو الي يقدرك .. مت قلي شبيك

ساكت وتخنقك العبره

وانت ابو الصبر رغم والمآسي واللوعات

والناس كلها تحسده عل صبره

تشهدلك ثورة العشرين يا ابو الثورات

ابتدت بالرميثه وانتهت بالشطره

تشهدلك الشجره الخبيثه ومحافظة ذي قار

اقلبوها عل العدو نار كبره

انهض يا عراق وبسك عاد

وخلك للعدو موعظه وعبره

انهض يا عراق وقاوم الجلاد

وانت بزلم شعبك اليوم ادره

ابد ما نرضى يا موطني بغير هاي

بغداد ولا بد تضل حره

[/size]

السلام عليكم ورحمة الله وبركاته

نشكر لك روحك الحلوة و وفائك لبلدك برغم بعدك عنه

تقبل مروري

انا فعلا اشكركم وايد على الردود الجميله وهذا اقل ما يستحقه وطني العراق وشكرا على المرور دلوعه بغداد والأستاذ موفق