قصيده / انتخب يل انتخب مستر حبش >> الإئتلاف الوطني

انتخب يل انتخب مستر حبش
الإئتلاف الوطني ....لا من دبش
----------------
كذب لا والله لا موش ائتلاف
اختلاف أصله وحقيقة الاختلاف
كلا كلا وابقي اردد هل الهتاف
بعد ما أصيرن مغفل لو كمش
-----------------
اقبض اقبض ما قبضنا ولا فلس
بس لطم والنوح ما شفنا عرس
على أسنين الفاتت إنعض الضرس
أرماد بعيوني فلا أخلية يرش
----------------
الائتلاف الوطني لا ...والنعم !!
ابد ما بيه خير بس معول هدم
عدو جنه من الشعب بس ينتقم
اجلاب مسعورة على الوادم يهش
----------------
أسنين مرت شوف حال الخدمات
سيء لأسوى يحال الطرقات
والشعب حصته يقدم التضحيات
حتى عادل بعد يكبرله الكرش ....... عادل عبد المهدي
----------------
أسنين مرت والقبض آه وحزن
والوطن فكر يهاجر بالوطن
أحزاب ما تنفع تصدر بس محن
على الفتنه تعيش بيها وتنتعش
---------------
ائتلاف الفتنه والمنهج مخيف
جمع وين النذل ما بيهم شريف
مر علينا الصيف وشتى وجم خريف
وحنا مذبوحين فدوه لهل العرش !
----------------
اقبض اقبض دادا من هذا الرقم >> (316)
الشعب فدوه وعدهم المنصب مهم
ماكو من بارح مطر بس العدم
وهذا نكاط الجذب بيده يرش
الإتلاف >>> الوطني ... لا من دبش