المكان قصيده خياليه رائعه

موضوع: المكان قصيده خياليه رائعه 2006-11-24, 02:14

هذه القصيدة اعجبتني وهي من الألبوم الجديد للشاعر الإماراتي جمعة بن نايم الكعبي وحبيت أنقلها لكم ..

(( المكـــــان ))

أنا رحــت المكــان اللي جمعنــا مـن قبــل عامين ... بغيت أصبر مع الذكرى وأعيد أيام تذكارك

تصدّق!! شفـت ياعمري رسوم إبها حـروف أثنين ... ولقيت أن الجدار اللي لمسته يحمل أسرارك

بدأ بذاك المكــان اللي تحيــده كـــل شــيء إيلين ... نعـم يشفق على حالي ويتخبّــر عن أخبارك

وعطرك هو ترى عطرك ولو قد صار له سنتين ... أشمّـه بـس في الواقـع أشــم بغيبتـــك نارك

قعدت أتخيّلك تطلع وأشوفك بس ما أعرف وين ... ولكن وين ياعمــري وإنتــه بعيــد في دارك

بدت تخنقنــي العبرة وأنا أصـارع دموع العين ... ياليتك عشت هالموقـف بتعرف كيف مقدارك

سهرت يلين ما بيّن عـن إطلـوع الفجــر ثلثين ... أسامــر نجمــة غيابك وأكلّمهــا عن أعذارك

طلعت من المكان وكن قلبــي منقســم قسمين ... في عيني صورتك وإنته قبالي تسمع أشعارك

عرفت أن الزمـن قاسي ولكــن فرقـة القلبين ... صعيبه يابعد عمري وفي وسط الروح تذكارك

شعر / جمعة بن نايم الكعبي

شـــــــــكرا على المشاركة الجميلة
ورده حمراء