احنه بره وانتو جوه

إحنه برَّه ، وأنتوا جوَّه
لا تكَولون الزمن بيكم أشسوَّه
وهيَّ نفس الناربيها الكل تجوَّه
أحنه وأنتوا أثنيَّنه بنفس العذاب
وفرق واحد ... إحنه بره وأنتوا جوه
**********
كلما نسمع خبر عنكم نحتركَ
والشفايف تيبس وتصبح زركَ
الأصابع تغدي سعفة من القلق
والعيون تصير جمرة من الأرق
وللصبح نبقه نتكَلب ونتجوَّه
**********
ماكو بالدنيا وطن مثل العراق
ولاشعب عانى مثل شعب العراق
من مصيبة كربلا لهسَّه المصاب
ورغم كل الموت والدم والخراب
العراق يكَوم وبجرحه يتكَوَّه
**********
كلما توكَع نجمة من أيد العراق
وكلما دم أطفالنه الطاهر يراق
تصعد الآهات الى باب السماء
ويختلط دمنه ودمعنه أويَّه الدعاء
ليا وكت ربي بمصيبتنه أنتلوَّه
--
كلمات / فالح حسون الدراجي

التحميل المباشر للأغنية Click Right & Save Target As

**********
ماكو بالدنيا وطن مثل العراق
ولاشعب عانى مثل شعب العراق
من مصيبة كربلا لهسَّه المصاب
ورغم كل الموت والدم والخراب
العراق يكَوم وبجرحه يتكَوَّه
**********
صحيح

ماكو بالدنيا وطن مثل العراق

لقد ابدعت واجملت واحسنت واكملت

كلمات رائعة جدا

شكرا لك عزيزي

تقبل مرور

حامي الوطن

إحنه برَّه ، وأنتوا جوَّه
لا تكَولون الزمن بيكم أشسوَّه
وهيَّ نفس الناربيها الكل تجوَّه
أحنه وأنتوا أثنيَّنه بنفس العذاب
وفرق واحد ... إحنه بره وأنتوا جوه
**********
كلمات حلوة و معبرة مشكككككككككككككككككككككككككككورة يا اخ واثق على هذه الاغنيه بس اريد اكول شغله. اكو هوايه ناس معاشت هوايه بالعراق او حتى منولدت بي بس مع هذا هيه بكل ما تمتلكه من احاسيس حلوة و مشاعر ويا و ويه كل العراقيين و معاناتهم.الله ان شاء الله يفك محنه العراقيين و يلمنه بي و احنه منتصرين على كل شر موجود بالعراق و ان شاء الله احنه العراقيين بأيدنه نفتح بلدنه و نحررة من كل ايد ححشاكم قذرة خربت بي