عجائب الدنيا السبعة في العراق....

عجائب الدنيا التسعة !! في العراق فقط ....

اليوم سأقول لكم أن عجائـــب الدنيــــــا أصبحت لها ميزتان
مهمتان جداً

الميزة الأولى..أن عددها يتغيّر حسب الظرف والمكان
والزمان فمرةٌ تكون سبعة ثم تُصبح عشرة وتتراجع لتصبح
ثلاثة
والميزة الثانية.. أنها تتغير أو بمعنى آخر
(تُستبدل) بين الحين والآخر
وهذه الميزة لعجائب الدنيا بدأت بالظهور منذ فترة
ليست بالقصيرة ولكنها بدت للعيان واضحة مع بداية القرن
الجديد
وحسب رؤيتي لما يجري سأوجز هذه العجائب كالآتي

1- العجيبة الأولى: أن تكون محطة البانزين فارغة بحيث
تأتي لتملأ الخزان بالوقود فتجدها فارغة ويقدم لك
العامل (چكليتة) ترحيبا بك ويخيّرك بين البانزين
العادي أو المحسّن أو الأكسترا

2- العجيبة الثانية: أن تبقى الكهرباء موجودة لمدة 24
ساعة ويمكن لك تشغيل المكيفات والأضوية وكل الأجهزة
الكهربائية دون الخوف من أن (ترمش ) الكهرباء فتحرق لك
الثلاجة والمجمدة ووو... وفي نهاية الشهر يأتيك رجل
مرتب (يعني لابس رباط وقاط وحذاء مصبوغ) ليعطيك فاتورة
الكهرباء القليلة جدا

3-العجيبة الثالثة: أن يكون لديك هاتف نقّال شبكته
أقوى من (سوبرمان) وتستطيع أن تتصل به من أي مكان (حتى
لو من عرعر) ويكون سعر المكالمة (فد 2 سنت للدقيقة
مثلا) بحيث يبقى كارت العشر دولارات فد شهرين

4-العجيبة الرابعة: أن تعبر من على كل جسور بغداد
(وبالأخص المعلّق ) دون أن يستغرق عبور الجسر فد ساعة
وربع, وأن يعبر ركض بالسيارة من الشورجة من كثر ما
الشارع فارغ, وأن يستغرق الطريق من العلاوي للدورة
حوالي عشر دقائق

5- العجيبة الخامسة: أن تشوف سيارات حديثة مال نفط
ومثلها مال غاز , توزّع المنتجات النفطية بدون ثمن
(لأننا بلد نفطي من الصنف الممتاز) وكل واحد ياخذ نفط
> لو غاز .. أبو النفط لو أبو الغاز (طبعا همين لابس قاط
ورباط وحذاءه مصبوغ ) يتبسم بوجهك ويشكرك

6-العجيبة السادسة: أنه الأولاد بالمدرسة من يشوفون
طيارة حربية لو هليكوبتر لو دبابة لو همر بالتلفزيون
لو بالصور يسألون المعلمة..( هاي شنو ست؟..لعابات لو
شنو؟؟)

7- العجيبة السابعة: أنه الواحد يسهر بالليل على أبو
نواس أو بالعطيفية أو على كورنيش الأعظمية على نهر
دجلة, والناس (گتل) وما كو محط رجل, والسمچ المسكوف
ريحتة إتعط والجهال يلعبون بالمراجيح (والزحليگانات),
ومن الواحد يكمل عشاء على الشط, يرجع للبيت من
وگت..يعني فد بالثنتين والنص بالليل لأن وراه ثاني يوم
دوام

8- العجيبة الثامنة: أنه الواحد ينام وماكو حس إنفجارات
وقذائف هاون يفززه... لا بالليل ولا بالنهار

9- العجيبة التاسعة: أنه آني وإنتَ وإنتي من نقرأ هاي
العجايب نگول هاي بإذن الله سهلة ولازم تتحقق إن عاجلا
أم آجلا وماكو شي صعب على رب العالمين مادام إيماننا
بالله قوي, وماكو أحد راح يحول المستحيل إلى ممكن إلا
إحنا العراقيين من نكون إيد وحدة بوجه كل واحد يريد
يدمّر هذا البلد الغالي وبالتالي تكون العجيبة التاسعة
هي مو عجيبة وإنما حلم راح نحققه كلنا إن شاء الله

وهاي الوردة الكم

هههههههههههههههههههههههههههههههههههه

اي والله صدك عجائب الدنيا بالعراق

شكرا ليال وهاي الورده هم ورده ورديه

اي والله عجيبة بس مع الاسف احنا العراقيين صرنا انشوف هذه الامور الي موجودة بدول الخليج عجيبة

بس ان شاء الله انكون ايد ابئيد نقضي على الفتن الطائفية ونحقق هذه الحلام ونحولها الى حقيقة.................................................................................

وشكرا لك يا ليال على هذه العجائب العجيبة
وتقبلي مني هذه الوردة الجميلة
ورده وقلب

هههههههههه
صدك لو كالو
شر البلية ما يضحك

الاخت الفاضله ليال اولا شكرا على مواضيعك اللطيفه والله محتاجين من الاخوان في المنتدى ان يكتبون مثل هيج كلمات حلوه معبره تجمع العراقيين على الكلمه الطيبه ونرجع ونكول كان العراق بيه هذه العجائب حقيقه واقعه بس تعرفون منو السبب والله الناس اللي اجتنا تحمل شهادات الدكتوراه بالتفرقه الطائفيه اللي كنا ما نعرفها قبل ايام قليله من اجوا اخوانا اهل الفلوجه من تاثير الحرب الى بغداد اهل الشعله ضيفوهم وسكنوهم مع عوائلهم وماكو فرق بين سني وشيعي كلهم اخوه بالدين سيا تي اليوم الذي يلعن الشعب كل هذوله اللي فرقوا الشعب الواحد ومثل ما كلتي نرجع انشاء الله بارادة العراقيين اخوه وتسقط مراهنات الاعداء بعون الله شايل العلم

ههههههههه اشلون عجائب هاي هاي اذا تحققت تصير شبه معجزات افتهمنا نريد الكهرباء والاشياء المهمه السيارات الي تنقل النفط ما اريدهه بس خلي ينطونه الكهرباء والمي

وحلوه منك هالعجائب يا ليال ورده وقلب

دقيقة من فضلك ليال!!!!!
اولا كلتي سبع عجائب وحجيتي تسعة
ثانيا عجيبة النفط ما عجبتني.. لازم ابو النفط يجيبلياه للبيت
تحياتي
هدية

فقط بل الاحلام

شكرا لمروركم الرائع وكلماتكم الاروع

كلام ولا في الاحلام يارب يجمع شملنا