بــــــــــــابا نؤيـــــــــــــل في بغداد

بابا نؤيل في بــــــغداد
مِثل ماتعرفون إنه (بابا نؤيل) رجّال حبّاب ، ينطي هدايا للجَهال وللفقراء.. المهم فد يوم (حجي نؤيل) ديباوع بخريطة العالم چان يشوف العراق .. گال: إييييي.. هذولة خطيـّة خلي أساعدهم.. المهم.. نِگر سِلْف للعربانة مالته وچان إطِّيِر الغِزلان مال (بابا نؤيل) وإجه بيها للعراق وبغدادْ خصوصاً.. بقى تقريبا ثلاث ساعات يدوّر على بيت بي شجرة مال إكرسمس (بس طبيعية مو إصطناعية ) وماكو.. هناك چان

يخيّطها بِبريك قوي..عععععععععععععععععععع....هذا البريكـ، حتى الغراض إلي بالعربانة وگعنْ واطّشرنْ... وگام

يصيح: لگيت بيت...لگيــــــــــــت بيــــتْ...!!! نِزل بالسطح وبُقه يدوّر على فتحة مال مدخنة يفوت منها..متعودْ الرجال

على سوالفْ أمريكــا وأورباة..!!.. ماكو.. راد باب مفتوحة!!.. ماكو.. راد شباچ يكسره ويفوت منة؟؟.. مالگة.. لأن كلهة بيهة كتايب.

المهم.. فات من الفتحة مال المبردة وحطْ الهدايا يم الشجرة وطِلع.. أول ما طِلع چان يسمع صوت واحد يصيّح

( حـــــرامي!!!).. وعينكم ما إتشوف الاّ النور.. إشتغلتْ الطلقاتْ والبيكيسياتْ وحتى قاذفات وهاونات..كلها على

هالرجّال المسكين.. وهوّه ظل يركض مِن بيت لبيت، ومِن سطح لسطح، ما يعرف شنو الفلم.. عباله صارت حرب

[ والتمّت والهمرات والحرس الوطني والشرطة... واحد يگول شفتة لابس حزام ناسف!!.. واحد يگول العربانة مالته
مفخخة هناك چان يچيّت عليه واحد، وكُمشه.. وسحله من لحيتة للمركز طبعا بعد ما شبع كتل بالطريق.. وبالتحقيق محد

صدّگه وكل ميفك حلگه..يجي راجدي.. وبعدين زينوه صفر وأخذو موبايلة..أبو الكامرتين ..قناص... وچانت بجيبة أربع

أوراق ونص...صدقة على روحة...المكـَرودْ... هم أخذوهِن.. تالـــــي طلعوه بالگوّة، گالو: رجّال چبير خطية ميتحمل دفراااااااااااتْ.
رجع (بابا نويل) للبيت إلي نِزل بالسطح مالتة لگة العربانة ماكو.. سِئل جاهل گله: شصار من العربانة؟؟... گله

الجاهل: الغراض إلي بيهة إتحوسمتْ..يعني إنباكـَتْ بالعراقي.. كُلهن، سأله (بابا نؤيل): زين الغزلان وكّلتوهن..طبعاًً أكلهنْ جتْ محسن مو عادي..؟؟، گلّة يا غزلان عمي ؟؟ هنّة چم حمار وعربانة مكسرة إجو أخذوهن الدوّارة أهل الطحين وراحوا
ويدكهة الرجّال مشي من بغداد لبيتهم حتى فلوس كيا بجيبه ماكو وگال وية روحه: آني أجي لبغداد بعد!!!!!

المهم وهو بطريق الرجعة وما يعرف شيسوي طگت يمة مفخخة چان ينشمر ويوگع بالكاع، وإتبهذل... صفن وگال:

وِلكَمْ شكو؟؟.. منو ماكِل باگلة زايد اليوووووووم؟؟.. حقة ما يعرف شنو مفخخة.. وگوة فهموا شنو مفخخة.

كمّل مشي الرجّال وبالصدفة.. وهو بطريق الرجعة كمشُوه جماعة.. وأخذوه.. وهمْ عذبوه وگلوله: إنته منين؟؟ سني لو

شيعي؟؟.. گاللهم يابا آني (بابا نؤيل).. كللوله: ناصب علينه أنتَ لك!!!.. وجوي ديذبحوه، ويةَ مديذبحوه چان تجي

الغزلان والعربانة... طلعوا فالتين من بغداد وبالكوة چلّب بيهن وفلت.. المهم هوة عبالة إرتاح وگال: الحمد الله جتّي

على هيچ وبس.. بعده ما منَجِّم بالسِما، چان يجيه (سِترِلّه) من هذا الحنَيّن ويضرب العربانة وإشتغلت السبعة وخمسين

علية ودوشكات... حرگوا الجو حرگ على الرجال المسكين..طلعْ ديعبر من فوكَـ الموصلْ.... المهم هوة مدري شلون

إنشمر فوگ غزالة من غزلانه وچلّب بيها وفِلتْ وراح لبيتهم بالقُطب وقدّم استقالة من هاي الشغله..

وهسة هوة كلّش يكره الجهال وما يحب الهدايا وبس يباوع أفلام رعبْ ورامبوووو واشترى مسدسات ورشاشات و....ودائماً جامعْ الآقزام حوالية ويصيح ...ها خوتي هاااااااااااااا

ويــــن يـــروح المطلــوب إلنــــة...!!!!وهو يعتبرْ الآن أحد الداعينْ للإرهابْ العالمي ..والمطلوبْ رقم
13434590752789276262للقواتْ الآمريكية في العرااااااااااااااااااااااااااااااااااااااااااااااااااق

هههههههههههههههههههههههههههههههههههههههههههههههههههههه

عاشت ايدك حبي ولو الرد متأخر بس ما انتبهت على الموضوع صارت فوكَه ردود

هسه بابا نؤيل ما لكَى غير العراق يجي له ميت ضحك

حتى الجهال يلزموله الطريق ويسلبون عربانته هي هي هي

والله يابه هي هواي حلوه وعاشت ايدك تصفيق

بس السؤال هو اشكتبها عليك يفكر

شكرا موضوع تحفة